بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە محەمەد حەلبوسی، سەرۆکی حزبی تەقەدوم کرد.
لە کۆبوونەوەکەدا کە دەرباز کۆسرەت رەسوڵ و خالید شوانی، ئەندامانی مەکتەبی سیاسیی یەکێتی ئامادەیبوون، دۆخی سیاسیی ناوچەکە تاوتوێ کرا و پێکهێنانی حکومەتی نوێی عیراق لە وادەی دەستووری دا بە گرنگ زانرا.
پێویستیی هەماهەنگی و پەیوەندیی نێوان لایەنەکان بۆ پەلەکردن لە تەواوکردنی رێکارەکانی پێکهێنانی حکومەتی نوێی عێراق لەسەر بنەمای دەستوور جەختی لەسەر کرایەوە.
