شارەزایەکی بواری کەشناسی رایگەیاند، لە کاتەکانی پاشنیوەڕۆی سبەی چوارشەممە، کۆتایی بە شەپۆلی بارانبارینەکە دێت.
ئاراز جەبار، شارەزای بواری کەشناسی ئاشکرایکرد، کەشوهەوا لە سنووری دهۆک، موسڵ، هەولێر و کەرکوک ئاساییبووەتەوە و کاریگەرت شەپۆلەکەی دەریای سوور لەو ناوچانە کۆتاییهاتووە، بەڵام لە ناوچەکانی باشوور و رۆژهەڵاتی عێراق هەوری کەڵەکەبووی بەهێز و باراناوی هەن، بەمشێوەیەش لە سنووری ناوچەکانی سلێمانی، گەرمیان و هەڵەبجە، بۆ ئەمشەو لێزمەبارانی بەخوڕ و هەورەبرووسکە بەردەوامدەبێت.
ئاماژەی بەوەشکرد، کاریگەری شەپۆلەکە تاوەکو بەیانی سبەینێ بەردەوامدەبێت، پاشان لە پاشنیوەڕۆوە کەشی ناوچەکانمان سەقامگیردەبێتەوە.
