بافڵ جەلال تاڵەبانی سەرۆكی یەكێتیی نیشتمانیی كوردستان بارەگای فەرماندەیی هێزەكانی كۆماندۆی كوردستانی بەسەركردەوە.
لە میانی ئەو بەسەركردنەوەیەدا هەریەك لە شێخ ئەحمەد حەمە كەریم ئەندامی مەكتەبی سیاسی، لیوا روكن عومەر ساڵح سەرۆكی ئەركانی هێزەكانی 70، لیوا روكن مەریوان محەمەد فەرماندەی هێزەكانی پشتیوانی دوو، سەرخێڵ كەمال لێپرسراوی بەڕێوەبەرایەتیی ئۆپەراسیۆنی دەزگای ئاسایشی هەرێم یاوەریان دەكرد و لەلایەن موقەدەم دیار عومەر جێگری فەرماندەی فەرماندەیی كۆماندۆی كوردستان بە گەرمی پێشوازییان لێكرا و دوای لەنزیكەوە ئاگاداربوون لە چۆنێتی بەڕێوەچوونی ئەرك و بەرپرسیارێتییەكانیان دەستخۆشی لێكردن كە وەك هێزێكی تۆكمەو بە دسپلین بەردەوام و رۆژانە لە هەوڵدان توانای سەربازیی خۆیان پێشبخەن كە جێگای ئومێدن بۆ هەموولایەك.
دواتر سەرۆك بافڵ جەلال تاڵەبانی بەشداریی خوانی بەربانگی لەگەڵ پێشمەرگەكانی هێزی كۆماندۆی كوردستاندا كرد.
