بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازیی لە ئەندرۆ بیزلی، کۆنسوڵی گشتیی بەریتانیا لە هەرێمی کوردستان کرد.
لە دیدارێکدا، ئەنجامەکانی هەڵبژاردنی ئەنجومەنی نوێنەرانی عێراق تاوتوێکرا و جەخت لە بەردەوامیی هەماهەنگیی نێوان لایەنەکان لەپێناو پاراستنی سەقامگیری و ئارامی لە وڵاتدا، کرایەوە.
سەرۆک بافڵ، پێویستیی یەکگرتوویی و یەکڕیزیی کوردی لەم قۆناغە دووپاتکردەوە و وتی، بەهێزیمان و پاراستنی مافەکانمان پەیوەستە بە تەبایی و پێکەوەییمان لە بەغداد.
لەبارەی کێشەکانی هەرێمی کوردستان و عێراق، سەرۆکی یەکێتیی نیشتمانیی کوردستان رایگەیاند، هەموو هەوڵێک دەدەین تاوەکو لەسەر بنەمای دەستوور پرسەکان یەکلابکەینەوە، تاوەکو چی دیکە خەڵک نەکرێنە قوربانی و حکومەتێک لە عێراق بنیادبنرێت، کە خزمەتگوزاربێت و خزمەتی هەمووان بکات بەبێ جیاوازی.
