سەرۆک وەزیرانی عێراق لە هەولێرە و بڕیارە سەردانی سلێمانییش بکات.
بەیانیی ئەمرۆ محەمەد شیاع سودانی، سەرۆک وەزیرانی عێراق بە سەردانێکی رەسمی گەیشتە هەولێری پایتەختی هەرێمی کوردستان و لەگەڵ بەرپرسانی حکومەتی هەرێم کۆدەبێتەوە.
بڕیارە سەرۆک وەزیرانی عێراق سەردانی سلێمانییش بکات و لەگەڵ بافڵ جەلال تاڵەبانی سەرۆکی یەکێتیی نیشتمانیی کوردستان کۆببێتەوە.
ئامانجی سەردانەکەی سودانی بۆ هەرێم تاوتوێکردنی پرسی بودجە، مووچە، نەوت، سەرژمێری و گرفتەکانی نێوان هەردوو حکومەتی هەرێم و بەغدادە.
