یانەکانی وێستهام یونایتد گواستنەوەی جیسی لینگاردی یاریزانی یانەی مانچستەر یونایتدی بە فەرمی واژووکرد.
ڕۆژنامەی دەیلی مەیڵی بەریتانی بڵاویکردووەتەوە، کە هەردوو یانەی مانچستەر یونایتد و وێستهام لەسەر گواستنەوەی جیسی لینگارد بە شێوەی خواستن تاوەکو کۆتایی وەرز ڕێککەوتنیان کردووە.
لینگارد لەم وەرزەدا لە پێکهاتەکانی یونایتدی سۆڵشایەر دوورخراوەتەوە، لە تەمەنی 28 ساڵیدا و بەر لە پاڵەوانیەتی یورۆ بەدوای یانەیەکدا دەگەڕێت چانسی یاریکردنی زیاتری پێبدات، بۆ ئەم مەبەستەش لەگەڵ هامەرزەکانی شاری لەندەن بۆندی واژووکردووە.
JLingz is a Hammer 🤘 #WelcomeJesse pic.twitter.com/NXEk9xirbz
— West Ham United (@WestHam) January 29, 2021
بەپێی سەرچاوەکە، یاریزانی ناوبراو بە بڕی 1.5 ملیۆن پاوەند و بە شێوەی خواستن تاوەکو کۆتایی وەرز درێسی وێستهام دەپۆشێت، ئەم بۆندەش بە هەوڵ و ماندوبوونی داڤید مۆیسی ڕاهێنەر واژوودەکرێت، کە لە پێشوودا کاری لەگەڵ لینگاردی تەمەن 28 ساڵان کردووە و پێی وایە لە توانایدایە توانا ناوازەکەی بەگەڕبخاتەوە.
ئەم گواستنەوەیە هاوکاتە لەگەڵ واژووکردنی بۆندی سەعید بن ڕەحمە بە شێوەی هەمیشەیی و بەبڕی 25 ملیۆن پاوەند لەلایەن بەرپرسانی وێستهامەوە.
