ئاژانسی رۆیتەرز رایگەیاند، هەناردەی نەوتی خاو لە هەرێمی کوردستانەوە بۆ بەندەری جەیهانی تورکیا، بەهۆی پڕبوونی تانکییەکانی عەمبارکردنی نەوت، راگیرا.
ئاژانسەکە لە زاری دوو سەرچاوەی ئاگادارەوە بڵاویکردەوە، پێشبینیدەکرێت لە دەوروبەری کاتژمێر 5ـی ئێوارە بە کاتی هەرێمی کوردستان، هەناردەی نەوت بۆ بەندەری جەیهان دەستپێبکاتەوە.
هەفتەی رابردوو، بە رەسمی هەناردەکردنەوەی نەوتی هەرێمی کوردستان لەڕێی کۆمپانیای سۆمۆوە بۆ بەندەری جەیهان، دەستیپێکردەوە.
