بەڕێوەبەرایەتیی گشتیی كەشناسی و بومەلەرزەزانیی هەرێم پێشبینی كەشوهەوا بۆ ئەمڕۆ و سبەینێ شەممە بڵاودەكاتەوە ئەمڕۆ ئەگەر نمەباران لە كات و ناوچەی جیاجیا و لە ناوچە شاخاوییەكانیش ئەگەری بارینی كەمێك كڕێوە هەیە.
بەپێی راگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ هەینی، ئاسمان لە نێوان نیمچەهەور و هەوری تەواو دەبێت، لەگەڵ ئەگەری بارینی نمەباران لە كات و ناوچەی جیاجیا و لە ناوچە شاخاوییە سنووریەكان ئەگەری بارینی كەمێك كڕیوە هەیە و پلەكانی گەرماش نزمتر دەبێت بە بەراورد بە تۆمارەكانی دوێنێ.
هەر لە راگەیەندراوەكەدا هاتووە، سبەینێ شەممە ئاسمان هەوری تەواو دەبێت، لەگەڵ بارینی نمەباران لە هەندێك ناوچە بە تایبەت لە ناوچەكانی هەڵەبجە و سلێمانی و گەرمیان و لەناوچە شاخاوییە سنووریەكانی باكووری رۆژهەڵات ئەگەری بارینی كڕێوە و بەفرێكی كەم هەیە و پلەكانی گەرماش نزمتر دەبێتەوە بە ( 1 تــا 2 ) پلە بەراوورد بە تۆمارەكانی ڕۆژی پێشوو.
بەرزترین پلەكانی گەرمای پێشبینیكراو بە پلەی سیلیزی:-
هەولێر / 12 پلەی سیلیزی
سلێمانی / 9 پلەی سیلیزی
دهۆك / 12 پلەی سیلیزی
كەركوك / 14 پلەی سیلیزی
هەڵەبجە / 9 پلەی سیلیزی
زاخۆ / 12 پلەی سیلیزی
سۆران / 8 پلەی سیلیزی
گەرمیان / 15 پلەی سیلیزی
