ئەمینداری گشتیی وەزارەتی پێشمەرگە رایدەگەیەنێت، تا کۆتایی ساڵی 2026 هاوکاریی هێزەکانی هاوپەیمانان بۆ هێزەکانی پێشمەرگە بەردەوام دەبێت.
بەختیار محەمەد ئەمینداری گشتیی وەزارەتی پێشمەرگە رایگەیاند، یاداشتنامەیەک لەنێوان هێزەکانی پێشمەرگە و پنتاگۆن واژۆکراوە، کە بەپێی ئەوە تا کۆتایی ساڵی 2026 هاوکاریی هێزەکانی هاوپەیمانان بۆ هێزەکانی پێشمەرگە بەردەوام دەبێت.
ئاماژەی بەوەشکرد، هاوکارییەکانی هاوپەیمانان لە هاوکاریی دارایی و مەشق و خۆراک خۆیان دەبیننەوە، رەنگە جۆری هاوکارییەکان گۆڕانکاریی تێدابکرێت، بەڵام ئەوەی گرنگە بەردەوام دەبێت.
