سەرچاوەیەکی تایبەت بە تۆڕی میدیایی ئێستای راگەیاند، بڕیارە حکومەتی عێراق، راگەیەندراوێک سەبارەت بە کێشەی مووچەی فەرمانبەرانی هەرێمی کوردستان بڵاوبکاتەوە.
لە کۆبوونەوەی دوێنێ چوارشەممەی ئەنجومەنی وەزیرانی هەرێمی کوردستان و رۆژی سێشەممەی ئەنجومەنی وەزیرانی عێراقدا، هیچ بڕیارێک لەبارەی مووچەی فەرمانبەرانی هەرێم نەدرا، ئەمەش لەکاتێکدایە، تائێستا مووچەی مانگەکانی پێنج و شەشی فەرمانبەرانی هەرێم خەرجنەکراوە.
بە وتەی د. موسەننا ئەمین، ئەندامی ئەنجومەنی نوێنەرانی عێراق کە قسەی بۆ تۆڕی میدیایی ئێستا کردووە، کێشەی هەرێم و بەغداد لەئێستادا تەنیا نەوتە و بابەتی داهاتی نانەوتی، رێککەوتنی لەسەر کراوە.
