بریكاری پێشووتری وەزارەتی دارایی عێراق هۆكاری دواكەوتنی ناردنی مووچەی فەرمانبەرانی هەرێم دەخاتەڕوو و دەشڵێت، “كێشەی زۆر لە نێوان هەرێم و بەغداد هەن و دەبوو بە بەپێی بڕیارەكەی دادگای فیدڕاڵیی عێراق كێشەی مووچە چارەسەربكرایە و مووچە بنێردرایە”.
د. فازڵ نەبی، بریكاری پێشووتری وەزارەتی دارایی عێراق بە میدیاكانی عێراقی رایگەیاندووە، “هەندێك لە كێشەكان دەرئەنجامی هەڵەتێگەیشتنە لە نێوان هەرێم و بەغداد و حكومەتی عێراق تێبینی لەسەر لیستی مووچەی فەرمانبەرانی هەرێم هەبووە و هەموو مانگێك كێشەی نوێ سەرهەڵدەدات و دەبووایە بەپێی بڕیاری دادگای فیدراڵیی عێراق مووچەی مووچەخۆران بنێردرایەوە.
دەشڵێت، “پێویستە بەغداد مووچەی مووچەخۆرانی هەرێم بنێرێت چونكە دواكەوتنی كاریگەری لەسەر دۆخی هاوڵاتییان دەبێت و بەغداد تێبینی لەسەر لیستی مووچە هەبووە و ئەوەش وایكردووە مووچە دوابكەوێت.
