بەهای نەوتی خاو لە جیهاندا بەردەوامە لە دابەزین، هۆكارەكەشی بۆ جیبەجێنەكردنی پاڵپشتە داراییەكانی ئەمریكا و زیادبوونی توشبوون بە كۆرۆنا دەگەڕێندرێتەوە.
ئەمڕۆ سێشەممە 26ی كانونی دووەم، لەكاتی بڵاوكردنەوەی ئەم هەواڵە بەهای یەك بەرمیل نەوتی خاوی برێنت بەرامبەرە بە 55 دۆلار و 48 سەنت بەوەش لەچاو نرخی پێشووی 0.81% دابەزیوە.
هەروەها نەوتی خاوی ڕۆژئاوای تێكساس (ئەمریكا) یەك بەرمیلی بەرامبەرە 52 دۆلار و 41 سەنت و بەوەش نرخەكەی لەچاو پێشوو 0.68% دابەزیوە.
ئاژانسی ڕۆیتەرز دابەزینی بەهای نەوتی خاوی گەڕاندووەتەوە بۆ دوو هۆكار، دواكەوتنی جێبەجێكردنی هاوكارییە داراییەكانی حكومەتی ئەمریكا بۆ وڵاتەكەی و زیادبوونی توشبوون بەكۆرۆنا.
