کۆمسیۆنی باڵای سەربەخۆی هەڵبژاردنەکان، ژمارەی ئەو حزب، لایەن و هاوپەیمانێتییانەی بۆ هەڵبژاردنی داهاتووی پەرلەمانی کوردستان تۆمارکراون، راگەیاند.
لە راگەیەندراوێکی کۆمسیۆن، کە وێنەیەکی دەست تۆڕی میدیایی ئێستا کەوتووە، هاتووە، “رۆژی پێنجشەممە، پرۆسەی تۆمارکردنی حزب و هاوپەیمانییە سیاسییەکان لە کۆمسیۆن کۆتاییهات”.
لە راگەیەندراوەکەی کۆمسیۆندا، ئەم زانیارییانە خراونەتەڕوو:
ژمارەی لایەنە رێگەپێدراوەکان: 343 حزب
ژمارەی ئەو حزبانەی کە لەژێر پێکهێناندان: 60 حزب
ژمارەی ئەو حزبانەی کە خواستی خۆیان بۆ بەشداریکردن لە هەڵبژاردن دەربڕیوە: 118 حزب
ژمارەی هاوپەیمانییەکانی پێشوو: 66 هاوپەیمانی
ژمارەی ئەو هاوپەیمانییانەی کە بڕوانامەی پەسەندکردنیان لە دەستەی کۆمسیارانەوە وەرگرتووە: پێنج هاوپەیمانی
ژمارەی ئەو هاوپەیمانییانەی کە چاوەڕێی پەسەندکردنیانن لەلایەن دەستەی کۆمسیارانەوە: 11 هاوپەیمانی
ژمارەی ئەو هاوپەیمانییانەی کە خواستی خۆیان بۆ بەشداریکردن لە هەڵبژاردنەکاندا دەربڕیوە: 25 هاوپەیمانی
ژمارەی ئەو لیستە تاکەکەسییانەی کە داواکارییان پێشکەشکردووە بۆ دەربڕینی خواستی خۆیان بۆ بەشداریکردن: 16 لیست
