وەزارەتی پێشمەرگە رایدەگەیەنێت، رۆژی پێنجشەممە، هاوکاریی دارایی هاوپەیمانان بۆ مانگی چوار دابەشدەکرێت.
لە راگەیەندراوێکی وەزارەتی پێشمەرگەدا هاتووە، “رۆژی پێنجشەممە، 8/5/2025 هاوکاریی دارایی هاوپەیمانان بۆ مانگى چوار بەسەر ئەفسەر و پێشمەرگەکانی سەر بە دیوانی وەزارەت و یەکەكانى پیادەى وەزارەتى بيشمەرگە دابەشدەکرێت”.
دەشڵێت، “دوای ئەوەی هاوکاریی هێزەکانی هاوپەیمانان بۆ هێزی پێشمەرگە خرایە سەر هەژماری وەزارەتی پێشمەرگە، بەڕێوەبەرایەتیی گشتیی بودجە و بەرنامەکان (ژمێریاریی سەربازی)، رێکارە دارایی و ژمێریارییەکانی بەکۆتا هێناوە.
وەزارەتی پێشمەرگە ئاماژەی بەوەشکرد، لەئێستادا سەرووی 56 هەزار پێشمەرگە و ئەفسەرانی سەر بە وەزارەتەکە، لە رێگەی پرۆژەی (هەژماری من) هاوکاریی هاوپەیمانان وەردەگرن .
