کەشناسیی هەرێم رایگەیاند، “ئەمڕۆ لە چەند ناوچەیەکی هەرێم تاوەباران دەبارێت کە بای بەهێز، خۆڵبارین و هەورەبروسکەشی لەگەڵدا دەبێت”.
بەڕێوەبەرایەتیی گشتیی کەشناسی و بومەلەرزەزانیی هەرێم بڵاویکردەوە، “ئەمڕۆ هەینی ئاسمان لەنێوان نیمچەهەور و هەوری تەواو دەبێت، پێشبینیی تاوەبارانی کەم لە زۆربەی ناوچەکانی هەرێم دەکرێت لەگەڵ روودانی بروسکە و لە ناوچەکانی رۆژهەڵاتی هەرێم زیاتر دەبێت، هەروەها رەشەبای بەهێزیشی لەگەڵدا دەبێت کە لە ناوچەکانی باشووری هەرێم توز و خۆڵ دەبارێت، پلەی گەرمی لە تۆمارکراوەکانی دوێنێ نزیکدەبێتەوە”.
کەشناسیی هەرێم دەشڵێت، “سبەینێ شەممە ئاسمان لەنێوان نیمچەهەور و هەوری تەواو دەبێت، لەگەڵ بارینی کەمێک نمەباران لە ناوچە شاخاوییەکان و هەروەها تاوەبارانی کەم لە رۆژهەڵاتی هەرێم، پلەی گەرمی بە (2- 4) پلە بە بەراورد بە تۆمارکراوەکانی ئەمڕۆ نزمدەبێتەوە”.
