“فڕۆكە سەربازییەكانی چین ئاسمانی تایوانیان بەزاندووە”

تایوان هێزی ئاسمانیی چین بەوە تۆمەتبار دەكات كە ئاسمانی وڵاتەكەی بەزاندووە، ئەوەش هاوكاتی گەیشتنی هێزی دەریایی ئەمریكا بە ئاوەكانی چین.

بەگوێرەی هەواڵێكی ئاژانسی ڕۆیتەرز، ئەمڕۆ یەكشەممە 24ی كانونی دووەم، وەزارەتی بەرگریی تایوان ڕایگەیاندووە، 15 فڕۆكەی چینی كە 12یان شەڕكەر بوون هاتوونەتە ناوچەی بەرگریی تایوانەوە لە كەرتی باشووری ڕۆژئاوا.

وەزارەتە تایوانییەكە لەگەڵ ڕاگەیەندراوەكەیدا، نەخشەی بەزاندنی ئاسمانی وڵاتەكەی لەلایەن چینەوە نمایش كردووە.

ئەوەش لەكاتێكدایە فەرماندەیی ناوچەكانی زەریای هیندی و هێمنی سەربە سوپای ئەمریكا ئاشكرایكردووە، گروپی “تیۆدۆر ڕۆزفێڵت”ی شەڕكەر شەوی ڕابردوو چووەتە ناو سنووری دەریای چین، مەبەستی ئەو كارەشی بۆ ڕێوشوێنێكی ڕۆتینی و هەماهەنگیی دەریایی گەڕاندووەتەوە.

.@USNavy Theodore Roosevelt Carrier Strike Group entered the South China Sea to conduct routine operations.

Read more here at https://t.co/Vb8tPOkPLC

— U.S. Indo-Pacific Command (@INDOPACOM) January 24, 2021