ڕوسیا هەناردەکردنی غازی بۆ وڵاتی لاتیڤیا ڕاگرت، بەهۆی پێشێلکردنی مەرجەکانی کشانەوەی گاز لەلایەن ئەو وڵاتەوە.
ئاژانسی هەواڵی ڕۆیتەرز بڵاویکردەوە، ڕوسیا هەناردەکردنی غازی بۆ وڵاتی لاتیڤیا ڕاگرتووە، ئەویش بەهۆی پابەند نەبوونی ئەو وڵاتە بە مەرجەکانی کڕینی غازەوە.
پێشتر، ڤلادیمێر پوتین سەرۆکی ڕوسیا بڕیاریدابوو، ئەو وڵاتانەی دۆستی ڕوسیا نین دەبێت پارەی غازەکە بە ڕۆبڵ بدەن، بەڵام چەند وڵاتێك بە بڕیارەكەوە پابەند نەبوون.
ئەوەش وایكرد ڕوسیا هەناردەکردنی غاز بۆ هەریەک لەوڵاتانی هۆڵەندا، دانیمارک، پۆڵەندا، بولگاریا و فینلەندا ڕابگرێت.
