لە درێژەی کرانەوەکانی سعودییە، بە ڕووی جیهانیدا دوێنێ پێنجشەممە کۆمپانیای Dolce & Gabbanaی ئیتاڵی نمایشێکی جلوبەرگی بۆ هەندێک لە دیزاینەکانی ڕێکخست.
نمایشەکە لە بەرزاییەکان “عکمە” لە ناوچەی مێژووی “العلا” بەڕێوەچوو، تێیدا تێکەڵەیەک لە فۆڕمی سعودی و دیزاینەکانی کۆمپانیای دۆلچە و گابانا نمایشکرا.
ناوچەی مێژووی “العلا” لەم دواییانەدا بە جەمسەری کرانەوەی فەرهەنگی سعودییە بەڕووی جیهاندا دەستنیشان دەکرێت و ئەوە جاری یەکەم نییە نمایشێک یان چالاکییەکی تێدا ئەنجام دەدرێت کە ڕەنگە لەگەڵ حوکمەکانی دینی ئیسلامدا نەگونجێت.
لە نمایشەکەدا کە بەشێکیان ژن بوون و جلی نیمچە ڕووتیان نمایشکرد لەگەڵ مۆسیقای ڕۆژئاوایی، ئەو پرسیارە دێنێتە پێشەوە کە چۆن لە وڵاتێکی میراتگری مێژووی ئیسلامدا دەکرێت بەئاسانی ئەوە تێبپەڕێت.
