بەهۆی دابەزینی پلەكانی گەرما و هاتنی شەپۆلی سەرما و سۆڵەوە نرخی غاز ماوەی چەند رۆژێكە بەرزبوونەوەی بەخۆوە بینیوە.
پەیامنێری تۆڕی میدیایی ئێستا لە هەولێر گواستییەوە، بەهۆی هاتنی ئەو شەپۆلی سەرما و سۆڵەیەی رووی لە هەرێمی كوردستان كردووە ماوەی هەفتەیەكە نرخی غازی بازرگانی بەرزبووەتەوە و یەك لیتر غاز پێشتر بە 400 دیناربووە و ئێستا نرخەكەی گەیشتووەتە 625 دینار ئەوەش بەهۆی زیادبوونی خواستە لەسەری.
ئاماژەی بۆ ئەوەش كرد، پێشتر نرخی یەك بوتڵ غازی بازرگانی لە بازاڕەكاندا 12 هەزار دیناربووە و ئێستا نرخەكەی گەیشتووەتە 14 هەزار دینار و زیاترە لەو نرخەش.
