مامۆستایەكی ناڕازی رایدەگەیەنێت، نووسراومان بۆ كردنەوەی لقی بانكەكانی رەشید و رافیدەین دایە دەستی عەلی عەلاق پارێزگاری بانكی ناوەندیی عێراق.
نەجمەدین محەمەد، مامۆستای ناڕازی لە لێدوانێكدا بە تۆڕی میدیایی ئێستای راگەیاند، ئێوارەی ئەمڕۆ لە رێوڕەسمی كردنەوەی ناوەندی دارایی و بازرگانی لە سلێمانی بە نووسراوێك داوامان لە عەلی عەلاق پارێزگاری بانكی ناوەندیی عێراق كرد بۆ كردنەوەی لقی بانكەكانی رەشید و رافیدەین لە ناوچەكانی هەرێمی كوردستان.
وتیشی، “ئێمە سوورین لەسەر ئەوەی مووچەی مووچەخۆران راستەوخۆ لە رێگای عێراقەوە بگاتە دەستی مووچەخۆرانی هەرێم و مووچە تەوتین بكرێت و عەلی عەلاق بەڵێنیدا كە كار لەسەر نووسراوەكەمان بكات”.
