وەزارەتی تەندروستی ڕایدەگەیەنێت، 68 توشبووی نوێی كۆرۆنا لە شارەكانی هەرێمدا تۆماركراون.
وەزارەتی تەندروستیی هەرێم ئەمڕۆ چوارشەممە 20ی كانونی دووەم بڵاویكردەوە، لەماوەی 24 كاتژمێری ڕابردوودا سێ هەزار و 270 پشكنینی نوێ ئەنجامدراون و لەو ژمارەیە 68 توشبووی نوێ تۆماركراون.
هەر لەو ماوەیەدا 995 توشبوو چاكبوونەتەوە.
هەروەها سێ توشبووی پەتاكە گیانیان لەدەستداوە كە سەرجەمیان لە پارێزگای سلێمانی بووە، وەك ئەوەی لە بڵاوكراوەكەی وەزارەتی تەندروستیدا هاتووە.
كۆی گشتی توشبووانی كۆرۆنا لە هەرێم گەیشتە 105 هەزار و 339، لەو ژمارەیە 89 هەزار و 704 كەسیان چاكبوونەتەوە و سێ هەزار و 448 توشبووش گیانیان لەدەستداوە.
