بەڕێوەبەرایەتیی بەرگریی شارستانیی سۆران راگەیەندراوێكی بڵاوكردەوە و هۆشداری بە هاوڵاتییان دەدات و دەڵێت، ” بەر لە كاتژمێر 7ی ئێوارە لە ناوچە شاخاوییە ساردەكان بگەڕێنەوە و شەقامەكان دەیبەستێت”.
بەپێی راگەیەندراوێكی بەڕێوەبەرایەتیی بەرگریی شارستانیی سۆران كە وێنەیەكی دەست تۆڕی میدیایی ئێستا كەوتووە و تێیدا هاتووە، ئاگاداری هاوڵاتییان و گەشتیاران دەكەینەوە كاتێك بۆ هەر مەبەستێك روو دەكەنە ناوچە زۆر ساردەكان و سەر چیاكان بۆ نێو بەفر پێویستە بەر لە كاتژمێر 7ی ئیوارە و بەر لە بەستنی شەقامەكان بەهۆی دابەزینی پلەكانی گەرما بۆ ژێر سفر هەوڵی گەڕانەوە بدەن.
هەر لە راگەیەندراوەكەدا هاتووە، پێویستە ئۆتۆمبێلەكانیان لەجۆری دەبڵ ئەكسل بێت یاخود زنجیر بۆ تایەكانیان ببەستن بۆ ئەوەی دووچاری گیرخواردن نەبن و خۆتان بەدوور بگرن لەو شوێنانەی رێژەیەكی زۆر بەفری لێباریوە.
