وتەبێژی حكومەتی هەرێم رایدەگەیەنێت، “بۆ مووچە پێویستمان بە 906 ملیار دینارە و دەبوو مووچەی مووچەخۆرانی هەرێم وەك ناوچەكانی دیكەی عێراق مووچەیان بۆ رەوانەبكرایە و دەشڵێت، “هەرێمی كوردستان هەموو كات ئامادەبووە بۆ دانوستان و گفتوگۆ و چەندین سەردانی ئەنجامداوە”.
پێشەوا هەورامانی وتەبێژی حكومەتی هەرێم بە فەرمانگەی میدیا و زانیاریی حكومەتی هەرێمی كوردستانی راگەیاندووە، “حكومەتی هەرێم بۆ دابەشكردنی مووچە پێویستی بە 906 ملیار دیناری مانگانە هەیە و هەق نەبوو بابەتی مووچەی فەرمانبەران تێكەڵ بە هیچ بابەتێكی دیكە بكرێت و دەبوو مووچەخۆرانی هەرێم وەك ناوچەكانی دیكەی عێراق مووچەیان بۆ رەوانەبكرایە”.
راشیگەیاند، ئێستا مووچەخۆرانی عێراق مووچەی مانگی 9 وەردەگرن و فەرمانبەرانی هەرێم لە چاوەڕوانی مووچەدان و هیواخوازین پێداچوونەوە بەو بڕیار و ژمارانە بكرێت كە بەرامبەر هەرێمی كوردستان بكرێت و هەرێم هەموو كات بۆ دانوستان ئامادەیە و تەواوی داتاكانی تایبەت بە نەوت و داهاتی نانەوتی خستووەتە بەردەم حكومەتی عێراق و ئێمە ئەو بابەتانە بە كات كوشتن سەیردەكەین.
