دەزگای ئاسایشی هەرێم، دەستگیرکردنی سێ کەس بە تۆمەتی قاچاخچێتی و بازرگانیکردن بە مرۆڤەوە لە سلێمانی رادەگەیەنێت.
دەزگای ئاسایشی هەرێم، لە راگەیەندراوێکدا بڵاویکردەوە، لە ئۆپراسیۆنێکدا لە رۆژانی 8بۆ12ی ئەم مانگە، بەڕێوەبەرایەتیی گشتیی ئاسایش/سلێمانی بەهەماهەنگی لەگەڵ بەڕێوەبەرایەتیی گشتیی ئاسایش/هەولێر و ئاژانسی تاوانی نیشتمانیی بەریتانیا، لە شاری سلێمانی و دەوروبەری بە بڕیاری دادوەری لێکۆڵینەوەی ئاسایش، دوای پرۆسەیەکی فراوانی کۆکردنەوەی زانیاری و بەدواداچوونی ورد تۆڕێکی بازرگانیکردن بە مرۆڤ کە پێکهاتبوون لە سێ ئەندام خەڵکی هەرێمی کوردستان بوون دەستگیرکرد.
دەشڵێت، ئەو کەسانە بەڕێگەی نایاسایی کۆچبەریان گواستووەتەوە بۆ بەریتانیا و وڵاتانی ئەوروپا، ئێستا تەواوی ئەندامانی تۆڕەکە بەتۆمەتی بازرگانی بە مرۆڤ دەستگیرکراون و لێکۆڵینەوە لە دۆسیەکانیان بەردەوامە.
