وەزارەتی دارایی عێراق رایدەگەیەنێت، هەرێمی كوردستان پابەند نەبووە بە تەوتینكردنی مووچەی مووچەخۆرانی هەرێم.
بەپێی راگەیەندراوێكی وەزارەتی دارایی عێراق كە تێیدا هاتووە، بەپێی ئەو رێكارانەی لە یەكەكانی خەرجكردنی داراییدا پەیڕەودەكرێن، وەزارەتی دارایی عێراق مانگانە مووچەی هەرێم بۆ حكومەتی هەرێم دەنێرێت كە لە بەرامبەردا مووچە بەسەر فەرمانبەرانیدا دابەشدەكات، بەڵام حكومەتی هەرێم پابەند نەبووە بە دابەشكردنی مووچە بەسەر فەرمانبەرانی هەرێم بەشێوەی مانگانە، سەرەڕای ئەوەی لەلایەن وەزارەتی داراییەوە پارەی بۆ دابیندەكرێت، هەروەك فەرمانبەرانی حكومەتی عێراق.
هەر لە راگەیەندراوەكەدا هاتووە، دابەشنەكردنی مووچەی تەواوی مانگەكانی 2024 لە ئەستۆی ئێمە نییە و دواكەوتنی دابەشكردنی مووچەش بەهۆی پابەندنەبوونی حكومەتی هەرێمە بە بڕیارەكەی دادگای فیدراڵیی عێراق كە بریتییە لە تەوتینكردنی مووچەی مووچەخۆرانی هەرێم.
