شاندێكی وەزارەتی بازرگانی و پیشەسازیی هەرێم بە مەبەستی چارەسەركردنی گرفتەكانی پیشەسازی و بازرگانی گەیشتنە بەغداد.
بەپێی راگەیەندراوێكی وەزارەتی بازرگانی و پیشەسازیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، شاندێكی وەزارەتەكە لە بەغدان بە مەبەستی چارەسەركردنی گرفتی پیشەسازی و بازرگانی لە نێوان هەرێم و بەغداد.
ئاماژە بۆ ئەوەش كراوە، لە كۆبوونەوەیەكدا لەگەڵ وەزیری پیشەسازیی عێراق بە ئامادەبوونی سەروەر كەمال هاواری بریكاری وەزارەت بۆ كاروباری بازرگانی و بەڕێوەبەری گشتیی بازرگانی باس لە گرفتەكانی پیشەسازی كران و میكانیزمەكانی چارەسەركردنیان بە وردی خرایەڕوو، بڕیاریشە چەند لیژنەیەكی هاوبەش پێكبهێنرێت بۆ ئەو مەبەستە و كۆبوونەوەكان لەگەڵ لایەنە پەیوەندیدارەكان لە رۆژانی داهاتووش بەردەوام دەبن.
