وەزارەتی تەندروستیی هەرێمی کوردستان، ئەمڕۆ سێشەممە 19ی کانونی دووەم ئاماری 24 کاتژمێری ڕابردووی کۆرۆنای بڵاوکردەوە و ڕایگەیاند کە 100 توشبووی نوێ و چوار گیانلەدەستدان تۆمارکراون.
لە ڕاگەیەنراوەکەی وەزارەتی تەندروستیدا هاتووە، “14 توشبوو لە هەولێر، سلێمانی 42 توشبوو، 42 لە دهۆک و لە هەریەکە لە هەڵەبجە و گەرمیان یەک توشبووی نوێی کۆرۆنا تۆمارکراون”.
وەزارەتی تەندروستی ڕاشیگەیاندووە، “ئامارەکانی مردن لە 24 کاتژمێری ڕابردوودا بەمجۆرەیە، یەک مردن لە هەولێر، دوو لە دهۆک و یەک مردنیش لە گەرمیان تۆمارکراوە”.
تاوەکو ئێستا لە هەرێمی کوردستان بەپێی ئامارە فەرمییەکانی وەزارەتی تەندروستی، 105 هەزار و 271 کەس توشی کۆرۆنا بوون لەو ژمارەیە 3445 کەسیان گیانیانلەدەستداوە و 88 هەزار و 709 کەس چاکبوونەتەوە.
