نوێنەری مامۆستایانی گرێبەستی وەزارەتی پەروەردە رایگەیاند، تائێستا بریار نەدراوە سێشەممە مووچەی مامۆستایانی گرێبەست دابەش بکرێت لەگەڵ وەزارەتی پەروەردەدا.
عەلی رەئوف، نوێنەری مامۆستایانی گرێبەستی وەزارەتی پەروەردە بە تۆڕی میدیایی ئێستای راگەیاند، لەگەڵ وەزارەتی دارایی هەرێم لە هەوڵداین لەگەڵ وەزارەتی پەروەردە مووچەکانمان دابەشبکرێت بەڵام تائێستا هیچ بڕیاریک لەو بارەیەوە نەدراوە.
ئاماژەی بەوەشکرد، تائێستا شایستەی دارایی مانگی 7 و 8ی سەردەمی وانەبێژی ئەم مامۆستایانە لە سنووری هەولێر و دهۆک دابەشنەکراوە و هیچ روونکردنەوەیەکیشیان پێنەدراوە کەی پێیان دەدرێت.
مامۆستایانی گرێبەستی وەزارەتی پەروەردە، ژمارەیان 37 هەزار و 933 مامۆستان، ئەم کەسانە پێشتر بەشێوەی وانەبێژ بەردەوام بوون لە خزمەتکردن لە خوێندنگەکاندا و لە مانگی 9ی ساڵی رابردووەوە کرانە گرێبەست.
