بڕیارە لە ئەمساڵدا سەرجەم پسوڵەکانی خۆراک بکرێن بە ئەلیکترۆنی و بەڕێوەبەری گشتیی بازرگانیی هەرێم، وردەکارییەکەی باسدەکات.
نەوزاد شێخ کامیل، بەڕێوەبەری گشتیی بازرگانیی هەرێم، لە کۆنفرانسێکی رۆژنامەوانیدا رایگەیاند، لە ئەمساڵدا سەرجەم پسوڵەکانی خۆراک دەکرێن بە ئەلیکترۆنی و هاوڵاتییان و بریکارەکان ئەپڵیکەیشنێکیان بۆ دروستدەکرێت، لەو رێگەیەوە هاوڵاتی دەتوانێت بزانێت چ ماددەیەک هاتووە و ئەگەر هاوڵاتی ئۆکەی لەسەر ماددەکە نەکات لای بریکارەکە دەمێنێتەوە.
وتیشی، هەر لەڕێگەی ئەو ئەپڵیکەیشنەوە هاوڵاتی دەتوانێت زیادبوون و کەمبوونی منداڵ تۆماربکات، لەڕێگەی ناردنی کارتی نیشتمانیی منداڵەکەوە بۆ بەڕێوەبەرایەتیی بازرگانی و راستەوخۆ منداڵە نوێیەکە لەسەر فۆرمی خۆراک زیاددەکرێت، بۆ مردووانیش بەهەمان رێگا لە فۆرمەکە لادەبرێن.
