لە کەناراوەکانی ئیمارەی رەئس خەیمەی ئیماراتی عەرەبی فڕۆکەیەکی بچوک کەوتەخوارەوە و دوو کەس گیانیان لەدەستدا.
دەستەی گشتیی فڕۆکەوانی مەدەنی بڵاویکردەوە، فڕۆکەکە سەر بە یانەی جەزیرەیە، کە یانەیەکی ئاسمانییە و لە کاتی کەوتنەخوارەوەیدا کاپتنی فڕۆکەکە و یاریدەدەرەکەی گیانیان لەدەستداوە.
ئاشکراشیکرد، هۆکاری رووداوەکە نەزاندراوە و لێکۆڵینەوە لەبارەیەوە دەستیپێکردووە.
