هەستكردن بە ماندوێتی لە رۆژدا بەتایبەت لە رۆژە ساردەكاندا بووەتە شتێكی باوی ژیانی مرۆڤەكان، بەڵام بە ئەنجامدانی هەندێك گۆڕانكاری بەسەر شێوازی ژیاندا، مرۆڤ دەتوانێت خۆی پڕ وزە بكات و چالاك بێت.
ئەم خاڵانەی خوارەوە هەندێك رێنوێنی و ئامۆژگارین كە پشتبەست بە توێژینەوەی جیاجیا ئامادەكراون، گەر دەتەوێت رۆژەكانت بە چالاكی بەسەرببەیت و لە هەستكردن بە شەكەتی دووربكەویتەوە:
– وەرزش و راهێنانی سوك بەتایبەت لە بەیانیان زوودا، هەناسەدان باشدەكات و دڵتەنگی كەمدەكاتەوە، ئەمەش وزەبەخشە.
– شێداركردنەوەی جەستە راستەوخۆ پاش لەخەو هەستان، بە خواردنەوەی پەرداخێك یان زیاتر ئاو، یادگە و مەزاج باشدەكات، بەجۆرێك بەپێی كۆمەڵەی خۆراكی ئەمریكی دەبێتەهۆی باشكردنی ئەركی مێشك بەڕێژەی 30%.
– سوودوەرگرتن لە تیشكی خۆر لە بەیانیاندا كە دەبێتەهۆی دەردانی سیرۆتۆنین، ئەمەش وزە و مەزاج باشدەكات، مانەوە بۆ ماوەی 20 تا 30 خولەك لە شوێنێكی كراوەدا تەنانەت لەو رۆژانەشدا كە خۆر دیارنییە و هەوراوییە.
– ریشاڵ لە ژەمەكاندا، دەبێتەهۆی باشكردنی تەندروستیی ریخۆڵە و بەرزكردنەوەی ئاستی وزە.
– جۆری خواردنی بەیانی، خۆراكی دەوڵەمەند بە پرۆتین و كاربۆهیدرات وەك هێلكە و شۆفان، وزەت بە درێژایی رۆژ پێدەبەخشن.
– ئەنجامدانی وەرزش لە كاتی گونجاودا، بۆ نمونە راهێنانی هەوایی لە بەیانیاندا ئاستی كۆرتیزۆڵ بەرزدەكاتەوە، لەكاتێكدا راهێنانی هێز و قورسایی بۆ پاش نیوەڕۆ گونجاوە، جەستەت زیاتر ئامادەیە بۆی.
– چالاكیی زۆر كەم، بۆ نمونە تەنها وەستان و سەماكردن بۆ ماوەی سێ خولەك، دەتوانێت وزەی پێویستت پێببەخشێت، چونكە ئەو چالاكییە كورتانە ئاستی ئیندۆرفین بەرزدەكەنەوە.
– خەوی كورت، خەوتن بۆ ماوەی 20 خولەك ئەركی مێشك باشدەكات و ماندوێتی كەمدەكاتەوە. باشترە ئەو خەوە لەنێوان كاتژمێرەكانی یەك بۆ سێی پاش نیوەڕۆ بێت.
– كەمكردنەوەی بەكارهێنانی تۆڕە كۆمەڵایەتیەكان، ماندوێتیی مێشك و یادگەت كەمدەنەوە و لە بەرامبەردا ژیریی و باشبوونی تەركیز و زیادبوونی بەرهەمت پێدەبەخشن.
– هەناسەی قوڵ، كۆمەڵەی دڵی ئەمریكی رێنوێنی دەكات بە ئەنجامدانی چالاكیی هەڵمژینی هەناسەی قوڵ بۆ كەمكردنەوەی دڵتەنگی و زیادبوونی ئاستی ئۆكسجین، كە وزەی گشتی باشدەكات.
– میوزیك، گوێگرتن لە میوزیك تەنها بۆ خۆشی و كاتبەسەربردن نییە، بەڵكو سەرچاوەیەكی كاریگەری هاندانی مێشكە.
– چارەسەر بە بۆنەكان، زەیت و بۆنە سەرەكییەكانی وەك زەعتەر و پرتەقاڵ هاندەری چالاكیی جەستەیی و ژیرین. بۆنەكان كاریگەرییان لەسەر مێشك دەبێت و میزاج و وزە باشدەكەن.
