سەرجەم گەشتە ئاسمانییەکانی نێوان هەولێر و دیمەشق هەڵوەشانەوە.
ئەحمەد هۆشیار، بەڕێوەبەری فڕۆکەخانەی نێودەوڵەتیی هەولێر، بە تۆڕی میدیایی ئێستای راگەیاند، سەرجەم گەشتە ئاسمانییەکانی نێوان هەولێری پایتەختی هەرێم و دیمەشقی پایتەختی سوریا، هەڵوەشانەوە.
وتیشی، بڕیارەکە لە ئەمڕۆوە جێبەجێکرا و سەرجەم گەشتەکانی ئەمڕۆی فڕۆكەخانەی دیمەشق کە 74 گەشت بوون هەڵوەشانەوە.
ئەوەش لەکاتێکدایە ئەمڕۆ کۆتاییهاتنی دەسەڵاتی بەشار ئەسەد-ی سەرۆکی سوریا راگەیەندرا، دوای ئەوەی ماوەی چەند رۆژێکە گرژییە سەربازییەکان لە سوریا پەرەیان سەندووە و گروپە چەکدارەکان لە پێشڕەویدابوون بەرامبەر بە سوپای وڵاتەكە و دەستیان بەسەر چەندین شار و شارۆچكەدا گرت.
