دۆناڵد ترەمپ مەسعەد بۆلس خەزووری تیڤانی کچی وەک راوێژکاری باڵای کاروباری عەرەبی و رۆژهەڵاتی ناوەڕاست راسپارد.
مەسعەد بۆلس ملیاردێرێکی بە رەچەڵەک لوبنانییە، باوکی مایکڵ بۆلس هاوسەری تیڤانی کچە بچوکی ترەمپە.
ناوبراو، یاسای لە ویلایەتی تێکساس خوێندووە و ماوەیەک وەک پارێزەر کاریکردووە، پێش ئەوەی بگوازێتەوە بۆ نێجیریا و کۆمپانیای بازرگانی SCOA Nigeria دابمەزرێنێت.
لە هەڵبژاردنەکانی ئەمجارەی ئەمریکا بۆلس هاتە دونیای سیاسەت و یارمەتی ترەمپی دا لە کۆکردنەوەی دەنگی ئەمریکییە بە رەچەڵەک عەرەبییەکان.
پێشتریش ترەمپ خەزووری ئیڤانای کچی وەک باڵیۆزی وڵاتەکەی لە فەرەنسا دەستنیشانکردبوو.
