ئەمڕۆ 23 ساڵ تێپەڕدەبێت بەسەر هێرشە خوێناوییەکانی 11 ی سێبتەمبەری سەر ویلایەتە یەکگرتووەکانی ئەمریکا تێپەڕدەبێت کە بەهۆیەوە نزیکەی سێ هەزار کەس گیانیان لەدەستدا و هەزارانی دیکەش برینداربوون.
هێرشەکانی سەر ئەمریکا تەنها رووداوێکی تیرۆرستی نەبوو و کۆتاییبێت بەڵکو دەستپێکی شەڕێکی درێژخایەنی سەدەی 21 بوو لە دژی تیرۆر کە تا ئێستاش لە زۆرینەی وڵاتانی جیهان بەردەوامی هەیە.
بەپێی راپرسییەکی ناوەندی لێکۆڵینەوەی ئەمریکی، لە دوای هێرشەکانی 11 ی سێبتەمبەر و هێرشی سەر ئەفغانستان و دواتر پڕۆسەی ئازادی عێراق زۆرینەی ئەمریکییەکان پێیان وابووە حکومەتی وڵاتەکەیان هەنگاوی باش دەنێت و بە تۆڵەکردنەوەی خوێنی رۆڵەکانیان هەژماریانکردووە، بەڵام دوای تێپەڕبوونی چەند ساڵێک بۆچوونیان گۆڕاوە و بە شێوەیەک زۆرینەیان پێیان وابووە ئەمریکا لە هێرشەکانی سەر ئەفغانستان شکستی هێناوە.
