بەڕێوەبەری کارگێڕی نەخۆشخانەی منداڵبوونی سلێمانی رایگەیاند، لە کاتژمێر 12:00 ی شەوی 20 ی مانگەوە تا کاتژمێر 9:00 ی بەیانی ئەمڕۆ 20 منداڵ لەدایکبوون.
پاکیزە عەلی بەڕێوەبەری کارگێڕی نەخۆشخانەی منداڵبوونی سلێمانی رایگەیاند، بە گشتیی لە 17 ی ئەم مانگەوە کە قۆناغی یەکەمی سەرژمێری دەستیپێکرد 131 منداڵ لەدایکبوون کە 71 منداڵیان کوڕبوون و 60 منداڵیان کچ بوون.
وتیشی، لە دوای راگەیاندنی قەدەغەی هاتوچۆتا بەیانی ئەمڕۆ کاتژمێر 9:00، 20 منداڵ لەدایکبوون کە 11 منداڵیان کچ بووە و 9 منداڵیان کوڕ بووە.
باسیلەوەشکرد، ئەو 20 منداڵە لە پرۆسەی سەرژمێری تۆمارناکرێن، ئەمەش نیگەرانی دایکان و باوکانی لێکەوتووەتەوە.
