محەمەد شیاع سودانی سەرۆکوەزیرانی عێراق سەردانی ئێران دەکات.
میدیا عێراقییەکان بڵاویانکردەوە، هەفتەی داهاتوو، بڕیارە محەمەد شیاع سودانی سەرۆکوەزیرانی عێراق بە سەردانێکی رەسمی دەگاتە وڵاتی ئێران و لەگەڵ بەرپرسانی باڵای وڵاتەکە گفتوگۆ دەربارەی پەیوەندییەکانی هەردوو وڵات، پێشهاتەکانی ناوچەکە و دۆخی رۆژهەڵاتی ناوەراست تاوتوێ دەکات.
ئاماژە بەوەشدراوە “بارودۆخی نوێی سوریا و گۆڕانکارییەکانی وڵاتەکە بەشێک دەبێت لە گفتوگۆکە”.
ئەمە لە کاتێکدایە، کۆتا سەردانی سودانی بۆ ئێران بۆ مانگی پێنجی ئەمساڵ دەگەڕێتەوە، ئەو کاتەی بەشداری لە پرسەی ئیبراهیم رەئیسی سەرۆککۆماری پێشووی وڵاتەکە کرد.
