نەخۆشخانەی د. جەمال ئەحمەد رەشیدی منداڵان بڵاویکردووەتەوە، نابێت لەکاتی تووشبوون بە پەتا و هەڵامەت ئەنتیبایۆتیکەکان بە منداڵان بدرێت.
نەخۆشخانەکە لە ئاگادارییەکدا بڵاویکردووەتەووە، هۆکاری سەرەکی توشبوون بە پەتا و هەڵامەت ڤایرۆسە نەک بەکتریا، دەرمانی دژە بەکتریا (ئەنتیبایۆتیک) دژی بەکتریا ئیش دەکات نەک ڤایرۆس.
ئاشکراشیکرد، بەکارهێنانی ئەو دەرمانانە لە کاتی پەتادا هیچ سوودێکی نییە و بە پێچەوانەوە زیانی زیاترە وەک دروستبوونی بەرگری بەرامبەر دەرمانەکە کە ئەمەش وا دەکات بۆ جاری داهاتوو گەر منداڵەکە پێویستی بە هەمان دەرمان هەبوو سوودی لێ نەبینێت.
باسیلەوەشکرد، بەکارهێنانی ئەو دەرمانە لە هەندێک باردا دەبێتە هۆی سکچوون و وشکبوونەوەی منداڵ، بۆیە نابێت بێ راوێژی پزیشک بەکاربێت.
