ئیلۆن مەسک بازرگانی دیاری ئەمریکی، لە سەرەتای هەڵمەتەکانی بانگەشەوە، پشتوانیی خۆی بۆ دۆناڵد ترەمپ دەربڕیوە، کە کاندیدە و کێبڕکێی بەدەستهێنانی پۆستی سەرۆکایەتیی ئەمریکا دەکات بۆ هەڵبژاردنی وڵاتەکە لە 5ی تشرینی دووەمی ئەمساڵدا.
ئاژانسی هەواڵی رۆیتەرز دەڵێت، بە گوێرەی داهاتە فیدڕاڵییەکان، ئیلۆن مەسک 44 ملیۆن دۆلاری خەرجکردووە بۆ ئەو تیمەی خۆی کە پاڵپشتی دۆناڵد ترەمپ دەکەن تەنها لەماوەی 15 رۆژی یەکەمی تشرینی یەکەمدا.
ئەو خەرجیە زۆرەی ئیلۆن مەسک، لە چوارچێوەی چڕکردنەوەی هەوڵەکانییەتی بۆ پشتیوانیکردن لە کاندیدی کۆمارییەکان لە هەڵبژاردنەکانی سەرۆکایەتیدا.
خەرجییەکان لە فایلێکدا ئاشکراکراون کە لەلایەن لیژنەی کاری سیاسیی مەسکەوە پێشکەشی کۆمیسیۆنی فیدراڵیی هەڵبژاردنەکان کراوە، دوای ئەوە دێت کە لە راپۆرتێکی پێشوودا دەریخستووە کە لە ماوەی سێ مانگی نێوان تەمموز و ئەیلولدا نزیکەی 75 ملیۆن دۆلاری بە گروپەکە داوە.
تیمەکە کە گرنگی بە کۆکردنەوەی دەنگدەران دەدات لە ویلایەتەکاندا، ئاشکرایکردووە لە نیوەی یەکەمی مانگی ئۆکتۆبەردا زیاتر لە 47 ملیۆن دۆلاری خەرجکردووە.
هەڵمەتی هەڵبژاردنی ترەمپ بە گشتی پشت بە تیمە دەرەکییەکان دەبەستێت بۆ راکێشانی دەنگدەران، ئەمەش بەو مانایەیە کە لیژنەی کردەی سیاسی کە لەلایەن مەسک، دەوڵەمەندترین پیاوی جیهانەوە دامەزراندووە، رۆڵی سەرەکی دەبینێت لە کێبڕکێیەکی نزیک لە نێوان ترەمپ و کاملا هێرسدا.
