فەرماندەیی هێزە سنوورییەکانی عێراق کردنەوەی 22 خاڵی سنووریی نوێی لەسەر هێڵی سفری سنووریی عێراق و تورکیا راگەیاند.
فەرماندەییەکە لە راگەیەنراوێکدا ئاماژەی بەوەکردووە، لیوا محمد عەبدولوەهاب، فەرماندەی هێزە سنورییەکان، سەردانی لیوای یەکەمی سنووری کرد، لە پارێزگاری دهۆک لەسەر سنووری عێراق و تورکیا.
راشیگەیاندووە، لە پەراوێزی سەردانەکەدا، 22 بنکەی سنووری نوێ لەسەر هێڵی سفری نێوان عێراق و تورکیا کرایەوە کە رێگاوبانیان بۆ دروستکرا لە کاتێکدا ناوچەکان ناڕێک و سەخت بوون و بۆ یەکەم جارە پاسەوانی سنوورییان بۆ براوە.
باس لەوەشکراوە، جەخت لە گرنگیپێدان بە وریایی و بەهێزکردنی خاڵە سنوورییەکان دەکەنەوە و بەردەوام دەبن لە دابینکردنی باشترین خزمەتگوزارییەکان بۆ ئەو مەبەستە.
