بەڕێوەبەرایەتیی کەشناسیی هەرێم ئاشکرایدەکات، لە ئەنجامی ئەو ناجێگیری هەیە، ئەمڕۆ نمەباران دەبارێت.
بەڕێوەبەرایەتیی گشتیی کەشناسی و بومەلەرزەزانیی هەرێم بڵاویکردەوە، ئەمڕۆ چوارشەممە، ئاسمانی ناوچەکانی هەرێمی کوردستان نیمچەهەور دەبێت، لە ئەنجامی ئەو ناجێگیریەی هەیە پێشبینیی نمەباران دەکرێت بۆ ئەو ناوچانە، هەروەها لە بەشێک رۆژهەڵاتی پارێزگای سلێمانی و بەشێک لە ئیدارەی راپەڕین و ناوچە سنووریە شاخاوییەکان، کاریگەریی ئەم ناسەقامگیریە لە ئەمڕۆوە تا کاتەکانی شەو بەردەوامدەبێت و پلەی گەرمی بەراورد بە تۆمارەکانی دوێنێ نزمدەبێتەوە.
ئەوەشی خستەڕوو، سبەی پێنجشەممە، ئاسمان پەڵەهەور دەبێت و پلەی گەرمی بەراورد بە ئەمڕۆ نزمدەبێتەوە.
