کۆمسیۆنی باڵای سەربەخۆی هەڵبژاردنەکان جەختدەکاتەوە، هەڵبژاردن لە وادەی خۆیدا ئەنجامدەدرێت و ئامادەکارییەکانیان بۆ ئەو مەبەستە بەردەوامن.
کۆمسیۆنی باڵای سەربەخۆی هەڵبژاردنەکان لە راگەیەندراوێکدا بڵاویکردەوە، دڵنیایی دەدەین بەسەرجەم هاوپەیمانی و حزب و کاندید و رێکخراوەکانی کۆمەڵگەی مەدەنی کە رێوشوێنی پێویستمان گرتووەتەبەر کە بتوانین سەربەخۆیی و بێلایەنی هەڵبژاردنەکە مسۆگەر بکەین.
جەختیشیکردووەتەوە، لەگەڵ سەرجەم حزب و هاوپەیمانی و کاندیدەکان بە یەک دووری دەوەستین، کە ئەمەش بۆ گەرەنتیکردنی ئەنجامی هەڵبژاردنەکان بەسە.
باسیلەوەشکردووە، سەرجەم ئەو تاقیکردنەوە و ئامادەکارییانەی بە نوێنەرایەتی حزب و هاوپەیمانی و رێکخراوەکان ئەنجامدراون سەرکەوتنیان بەدەستهێناوە و دەتوانین بڵێین ئامادەین بۆ ئەنجامدانی هەڵبژاردنێکی دروست.
