ئاژانسە وەرزشییە جیهانییەکان بڵاویانکردەوە، لیۆنێل مێسی دەگەڕێتەوە بۆ هەڵبژاردەی ئەرجەنتین بۆ پاڵاوتنەکانی مۆندیالی مانگی ئۆکتۆبەر بەرامبەر ڤەنزوێلا و بۆلیڤیا.
جێگەی ئاماژەیە، لەناو هەڵبژاردەکانی ئەمریکای باشووردا، تەنها شەش هەڵبژاردەی سەرەکی راستەوخۆ سەردەکەون بۆ مۆندیالی 2026.
ئەمە یەکەم جارە مێسی بگەڕێتەوە بۆ یارییە نێودەوڵەتییەکان دوای ئەوەی لە مانگی تەمموزدا لە یاری کۆتایی جامی ئەمریکا بەرامبەر کۆڵۆمبیا توشی پێکانی پاژنەی پێی بوو. ئێستا گەڕاوەتەوە ناو یاریگا و ئامادەیە یارمەتی پێشەنگی ئەرجەنتین بدات لە رێگای مۆندیال.
