لە راگەیەندراوێکی هاوبەشدا، عێراق و ئەمریکا بە رەسمی رایانگەیاند، تاوەکو مانگی ئەیلولی ساڵی 2025 ئەرکی هێزەکانی هاوپەیمانی نێودەوڵەتی لە عێراق کۆتایی پێدێت.
لە راگەیەندراوەکەدا ئاماژە بەوەکراوە، کۆتاییهێنان بە ئەرکی هاوپەیمانی نێودەوڵەتی لە عێراق لە ماوەی 12 مانگدا دەبێت، کە لە مانگی ئەیلولی 2025 درەنگتر نەبێت.
گواستنەوە بۆ هاوبەشیی ئەمنی دووقۆڵی بە شێوەیەک کە پاڵپشتی هێزەکانی عێراق بکات و لەلایەکی دیکەشەوە، ئەرکی سەربازیی هاوپەیمانان لە سوریا تا مانگی ئەیلولی 2026 بەردەوام دەبێت
هەر لە راگەیەندراوە هاوبەشەکەی عێراق و ئەمریکدا هاتووە، چاوەڕوانی پتەوکردنی پەیوەندییەکانی نێوان هەردوو وڵاتین بەگوێرەی رێککەوتنی چوارچێوەی ستراتیژی.
