حزبەكەی مالكی: سەدر تاكلایەنانە عێراق بەڕێوەدەبات و كازمی نابێتەوە بە سەرۆك وەزیران

هاوپەیمانیی دەوڵەتی یاسا بەسەرۆكایەتیی نوری مالكی دەڵێت، سەدر تاكلایەنانە عێراق بەڕێوەدەبات و كازمی چانسی بوونەوە بە سەرۆك وەزیرانی نییە.

گاتع ڕكابی یەكێكە لە سەركردەكانی دەوڵەتی یاسا، ئەمڕۆ شەممە لێدوانی بۆ میدیای عێراقی داوە و ڕایگەیاندووە، كازمی چانسی ئەوەی نییە دووبارە ببێت بە سەرۆك وەزیران و ئەوە هەڵوێستی زۆربەی لایەنەكانە، هۆكارەكەش پەیوەستە بە چۆنێتیی بەڕێوەبردنی دۆسیە گرنگەكانی ئاسایش و ئابوری.

بەپێی وتەی سەركردەكەی دەوڵەتی یاسا، كازمی سەركەوتوو نەبووە چونكە چەندین نەنگی لە بەڕێوەبردنی دەوڵەتدا دەركەوتوون و پێشێلكاری دەكرێتەسەر جومگەكانی دەوڵەت و وڵات لەلایەن یەك لایەنەوە كە خەڵك دەیناسن بەڕێوەدەبرێت، وەك ئاماژەیەك بۆ موقتەدا سەدر ڕێبەری ڕەوتی سەدر.

ڕكابی وتیشی، “ئێستا دەوڵەت بە فەیسبووك بەڕێوەدەبرێت نەك ئەوەی لە ڕاستیدا دەگوزەرێت، بۆیە دۆخەكە پێویستی بە پێداچوونەوەی دۆسیەكانە بەتایبەت ئابوری و ئەو بارگرانییانەی ڕووبەڕووی بوونەتەوە”.

بابەتی پێشتر

هۆڵەندا 200 مووشەكی ستینگەر بۆ ئۆكرانیا دەنێرێت

بابەتی دواتر

بەخشینی پارە بە بیتکۆین بۆ هاوکاریی ئۆکرانیا گەیشتووەتە ملیۆنان

بابەتی پەیوەندیدار
زیاتر ببینە

ئەردۆغان گەیشتە بەغداد

کەمێک لەمەوبەر رەجەب تەیب ئەردۆغان سەرۆکی تورکیا گەیشتە بەغداد. پێشنیوەڕۆی ئەمڕۆ دووشەممە رەجەب تەیب ئەردۆغان سەرۆکی تورکیا بە…
Total
0
Share