زیادبوونی تووشبوون بە پەتای وەرزی شتێکی ئاسایی و چاوەڕوانکراوە و ساڵانە بەھۆی گۆڕانکاریی کەش و ھەوا روودەدات، نیشانەکانی ئازار و تا و بێھێزی و کۆکە و تەڕبوونی لوتە.
د.سەرخێڵ ئاراز، پسپۆڕی تەندروستیی گشتیی و نەخۆشیە درمەکان بابەتێکی تەندروستیی بڵاوکردووەتەوە و نیشانە و چارەسەرەکانی بڵاوکردووەتەوە.
باسی لەوەکردووە، نیشانەکانی پەتای وەرزی بریتین لە: (سەر ئێشەی بەردەوام، بەرزبوونەوەی پلەی گەرمی لەس، هەبوونی لەرز، ئازاری جومگەکان، بێهێزی، ئازاڕی قوڕگ، کۆکە).
ئەوەش دەخاتەڕوو، ئەم نیشانانە لە کەسێک بۆ کەسێکی تر بەھۆکاری تەمەن و کاریگەری ئاستی بەرگریی لەشی مرۆڤەکان دەگۆڕێت، بەڵام بەرکەوتن ھۆکاری خێرا بڵاوبوونەوەی ئەم ڤایرۆسەیە و پێویستە لەکاتی دەرکەوتنی نیشانە لەلایەن پزیشکەوە چارەسەری پێویستی بۆ بنووسرێت و لەکاتی دەرکەوتنی نیشانەکاندا پێویستە خۆپارێزی بکرێت.
دکتۆر سەرخێڵ چارەسەرەکانی بەم جۆرە خستووەتەڕوو:
یەکەم:بەکارھێنانی ئەو میوانەی مزرەمەنین و سەرچاوەی بەھێزی ڤیتامین Cن و ئاستی بەرگریی لەش بەرامبەر نەخۆشیە پەتاگەریەکان زیاددەکات.
دووەم: پشوودان و فێنکردنەوەی کەسی توشبوو یاخود زوو زوو شتنی دەموچاو کارگەری باشی ھەیە لەسەر دابەزینی پلەی گەرمیی لەشی نەخۆشەکە.
سێیەم: بەکارھێنانی دژە بەکتریاکان بۆ ئەو نەخۆشانەی قورگئیشە و ھەوکردنی قورگ و کۆکەیان ھەیە لە ژێر رێنمای و چاودێریی پزیشکدا چونکە بەکارھێنانی چارەسەر بێ رێنمای پزیشک، کاریگەری مەترسی دەبێت لەسەر نەخۆش و رەنگە ببێتە ھۆکاری خراپتربونی تەندروستی نەخۆشەکە.
