كۆمپانیاكانى دابینكردنى دهرمان بۆ فهرمانگهى تهندروستیى سلێمانى، خۆپیشاندانێكیان ئهنجامدا و جهختیانكردهوه لهمڕۆوه دهرمان بۆ تهندروستى دابینناكهن.
كۆمپانیاكانى دابینكردنى دهرمان له سلێمانى ئهمڕۆ چوارشهممه له كۆنگرهیهكى ڕۆژنامهوانیدا ڕایانگهیاند، بڕیاریانداوه لهمڕۆوه هیچ دهرمانێك بۆ فهرمانگهى تهندروستیى سلێمانى و سنوورى هەردوو پارێزگاى سلێمانى و ههڵهبجه دابیننهكهن.
ئهو كۆمپانیانه باسیان لهوهش كرد، له ئێستادا حكومهتى ههرێم 20 ملیار دینار قهرزداریانه و چوونهته بانك، لهوێ پێیانوتراوه پاره ههیه، بهڵام وهزارهتى دارایی بڕیاریداوه پارهكهیان به 55 مانگ بۆ خهرجبكرێت و ئێستا ئهوهشیان پێنادرێت.
بڕیارهكهى ئهو كۆمپانیانه دواى ئهوه دێت، ماوهى نزیكهى سێ مانكه كێشهى كهمى و نهبوونى دهرمان له فهرمانگهى تهندروستیى سلێمانى و سنوورى پارێزگاكه ههیه و تائێستا نهتوانراوه چارهسهرێكى بنهڕهتى بۆبكرێت.
