بەیانی ئەمڕۆ لەگەڵ کردنەوەی بازاڕەکانی دراو لە شاری سلێمانی، 100 دۆلاری ئەمریکی بەرامبەر بە 149 هەزار و 850 دینار مامەڵەی پێوەدەکرێت.
بۆ ئەمڕۆ بانکی ناوەندیی عێراق خستنەڕووی دۆلاری نابێت، بەهۆی ئەوەی رۆژی شەممەیە، کۆتا خستنەڕووی دۆلاری بانکەکە لە رۆژی پێنجشەممەی هەفتەی پێشوودا بوو کە 257 ملیۆن و 345 هەزار و 110 دۆلار بوو.
نزیکەی مانگێک دەبێت، بەهای 100 دۆلاری ئەمریکی تاڕادەیەک جێگیری بەخۆیەوە بینیووە لەنێوان 149 هەزار دینار بۆ 150 هەزار دیناردا و رۆژانە گۆڕانکارییەکی کەمی بەسەردا دێت، کە لە چەند سەد دینارێک زیاتر نییە.
