خەڵكی لە سەرانسەری جیهاندا پەیڕەوی رۆتینی جیاواز دەکەن لە سەرەتای رۆژەکەیاندا، هەیانە وەرزش دەکات هەیانە کوپێک قاوە دەخواتەوە، بەڵام گەر رۆتینەکەت بگۆڕیت بە خواردنەوەی پەرداخێک لە تێکەڵەی خوێ و ئاو چی روودەدات.
پێگەی Times of India لە راپۆرتێکیدا بڵاویکردووەتەوە، گەر کەسێک لە بەیانیاندا پەرداخێک ئاوی گەرم لەگەڵ کەمێک خوێ تێکەڵ بکات و دوای ساردبوونەوەی بە هێواشی بیخواتەوە ئەوا ئەم سوودانەی هەیە.
-جەستە لە ژەهر پاکدەکاتەوە و رێگری لە کەڵەکەبوونی چەوری دەکات و دەبێتە هۆی دابەزینی کێشی جەستە.
-هاوسەنگی ئەلیکترۆلیتی جەستە دەپارێزێت و رێگریی لە وشکبوونەوە دەکات.
-کرداری هەرس بە درێژایی رۆژ ئاسانتردەکات
-کرداری دەردانی ژەهرەکان بۆ دەرەوەی جەستە ئاسانتردەکات
-کانزاکانی ناو جەستە هاوسەنگ دەکات
-دۆخی دەروونی باشتردەکات و دڵەڕاوکێ کەمدەکاتەوە ئەویش بەهۆی کاریگەریی لە کەمکردنەوەی هۆڕمۆنی کۆرتیزۆڵ
-تەندروستی پێست دەپارێزێت و رێگری لە نەخۆشییەکانی ئەکزیما و سەدەف دەکات.
-بەکتریا زیانبەخشەکانی ناودەم لەناودەبات و تەندروستیی دەم و ددان دەپارێزێت.
-وزەی جەستە زیاتردەکات
-رێژەی ترشی جەستە رێکدەخات و جەستە لە نەخۆشکەوتن دەپارێزێت.
