وەزارەتی ناوخۆی عێراق رایدەگەیەنێت، نزیکەی 96%ی ئەو کەسانەی بۆ یادی ئەربەعین هاتوونەتە عێراقەوە بە بیانی و عەرەبەوە، وڵاتەکەیان جێهێشتووە.
میقداد میری، وتەبێژی وەزارەتی ناوخۆ و شانەی ئەمنیی عێراق لە راگەیەندراوێکدا ئاماژەی بەوەکردووە، تەنها 4%ی ئەوانەی هاتوونەتە عێراقەوە لەماوەی رابردوودا لە وڵاتدا ماون و نەڕۆیشتوونەتەوە.
باسی لەوەشکردووە، ئەو کەسانە هێشتا مۆڵەتی مانەوەیان کارایە و هیچ کێشەیەکی یاساییان نییە.
