بافڵ جەلال تاڵەبانی لە بەغداد پێشوازیکرد لە ماسیو تولەر، باڵیۆزی ئەمریکا لە عێراق.
لە دیدارێکدا ھەنگاوەکانی پێکھێنانی حکومەتی نوێی عێراق، گۆڕانکارییەکان و ھەوڵی لایەنەکان لەو ڕووەوە گفتوگۆیان لەبارەوە کرا و جەختکرایەوە لە پەنابردن بۆ گفتوگۆ و چارەسەرکردنی دەستوورییانەی کێشەکان.
بافڵ جەلال تاڵەبانی لەبارەی کۆی پێشھات و پرسەکان تێڕوانین و ستراتیژی کوردستانی و نیشتمانیی یەکێتی خستەڕوو، ئاماژەی بۆ ئەوە کرد ھەموو ھەوڵێکیان داوە بۆ یەکخستنی بۆچوونە جیاوازەکان لەپێناو سەقامگیری و سازانی نیشتمانی و گەیشتن بە تەوافق لەپێناو ئاشتەوایی سیاسی و وتی، “دەمانەوێت ئەو یەكڕیزییە نیشتمانییەی ھەیە بیپارێزین و ھەموومان لەپێناو ئامانجە باڵاکاندا لەسەر مێزی گفتوگۆ کۆببینەوە”.
ھەر لە دیدارەکەدا چەندین پرسی تری جێی بایەخی ھەردوولا بۆچوونیان لەبارەوە خرایەڕوو.
